المغسله بقلم هويدا زغلول

ايوه يا فاطمة ربنا يفغر لها ويسامحها يارب انا هتصل بالناس اللي هتغسلها طبعا انتي هتغسليها يا فاطمة دي مهما ان كانت زي امك امك فاطمة طبعا يا عبد الله هغسلها دي امك دي برضو وحماتي برغم اللي كانت بتعمله بس انا مسامحها وربنا يسامحها عبد الله أصيلة يا فاطمة والله يلا بينا ننزل عشان نشوف هنعمل ايه ونزلت فاطمة وجوزها تحت عند حماتها واخو عبد الله قاله يلا يا عبد الله احنا جهزنا كل حاجة خلي مراتك تغسل امك عشان نلحق ندفنها قبل الليل عشان هي كانت موصية متندفنش في الليل

عبد الله ماشي يا مصطفى ام مريم هتدخل تغسلها ودخلت فاطمة ومعاها سلفتها وبنت حماتها اللي كانو بيعيطو وفاطمة قالت لهم بقولكم ايه احنا نخلص بسرعه قبل الليل يلا أيديكم بأيدي ردت عفاف سلفة فاطمة وقالت لها والله يافاطمة انا مكنتش عايزة ادخل هنا قالت لها هند اخت عبد الله وليه بقا يا عفاف هو في ايه يعني ايه اللي خلاك مش عايزة تدخلي على امي في ايه هو ده وقت كلامك ده اصلا فاطمة

بس ياجماعة عيب كده احنا دلوقتي في اوضتة الميتة مينفعش نعاتب ونلوم اي حد على حاجة جنبها ارجوكم هتساعدوني ماشي هتفضلو تتخانقو كده يبقا تخرجو برة وتسبوني اشوف شغلي عفاف خلاص يا فاطمة يلا اشتغلي وانا هساعدك وايدي بايدك وانتي ياهند يلا معانا مش وقتة كلامنا هنا وفي الوقت ده فاطمة شمت ريحة كريهة جدا وخارجة من المتوفيه وقالت هو ايه ده انتو شامين اللي انا شميتة يابنات ايه ده وجاي منين بس عفاف يلهوي ايه القرف ده بس انا بطني وجعتني لا لا انا خارجة بره مش هفضل هنا

هند انا كمان خارجة من هنا مش قاعده لا لا مليش دعوه بحاجة وبعدها بتبص فاطمة علي مكان الاخراج بتاع حماتها ولقت ماية البول بتخرج بطريقة بشعه وريحة فظيعة في الوقت كلهم خرجو من الاوضة وعبد الله قال لفاطمة ايه يا فاطمة خلصتي غسل امي عشان ناخدها فاطمة الحقني يا عبد الله امك في حاجة غريبة اوي فيها امك بيخرج منها ريحة وحشة اوي يا عبد الله ده غير انها بتتبول مايه وهي على ترابيزة الغسل انا مش عارفه ليه بيحصل لها كده

عبد الله ازاى الكلام ده يا فاطمة تعالي ندخل جوه عندها نشوف في ايه اللي بيحصل بالظبط ودخل عبد الله معاها وقال طيب ده من ايه فاطمة معرفش امك عملت ايه يا عبد الله عشان يحصلها كده بس اسمع ابعت هات لي امي كده ونشوف هنعمل ايه وفعلا ام فاطمة جات عندها وقالت لها اسمعي يا فاطمة انتي تحاولي تكفتيها اي حاجة يا بنتي عشان خاطر الناس هاتقول ايه فاطمة

تقول ايه يعني ايه يا ماما دلوقتي حتى لو هي خارجة في الكفن هيعرفو انها من ريحتها انا مصدومة ومش عارفه اعمل ايه انا هجيب واحده تعرف من حماتي هي عملت ايه فاطمة وعبد الله باستغراب قالو ازاى الكلام ده يا فاطمة انتي بتقولي ايه فاطمة اسمعني يا عبد الله انا في واحده مغسلة معايا بتكلم الأموات انا هجيبها عشان تعرف لنا امك عملت كده ليه وفعلا عبد الله وافق والناس بره بقت تسأل هي المتوفيه هتخرج امتى هي اتأخرت كده ليه ده اكيد في حاجة مانعاها انها تخرج

وفضلت الناس تتكلم وتسأل عن اللي حصل وعفاف قالت لهم على اللي بيحصل بالظبط وبعدها رحت انا لما فاطمة اتصلت بيا ودخلت عليهم وفاطمة قالت لي انا هحضر معاكي يا ام احمد عشان اعرف ايه الحكاية اللي حصلت مع حماتي عشان تعمل كده وفعلا دخلت فاطمة معايا على حماتها وانا قولت ايه الريحة البشعة دي يا فاطمة اقفلي الباب اوي لحسن حد يحس بحاجة فاطمة من غير ما حد يحس سلفتي اصلا عرفت كل الناس دلوقتي انتي عملتي ايه يا حماتي عشان يحصلك فضيحة زي دي

ام احمد اهدي يا فاطمة ودلوقتي هنعرف منها ايه اللي حصل بس بقولك ايه انتي اقفي واسمعي اللي هيحصل ايه وبعدها الست قامت وقفت وفضلت تعيط وانا قولت لها انتي عملتي ايه يخليكي يحصل معاكي كده انتي ظلمتي ناس مش كده الحما ايوه انا ظلمت ناس كتيرة اولها اللي مني انا ظلمت مرات ابني لما مكنتش عايزاها تتجوز ابني بس كان مصمم ام احمد وانتي مكنتش عايزاه يتجوز مراتة ليه انتي مكنتيش بتحبيها ولا ايه

الحما انا أسمي عواطف وكنت طول عمري بحب المظاهر وفي يوم لقيت محمود ابني جاي يقولي #فلاش باك محمود اسمعي يا ماما انا خلآص قررت اتجوز وةهزي نفسك عشان هاخدك انتي ومصطفى وعبد الله اخواتي عشان نروح نخطبها عواطف بجد يا محمود طب يابني ده انت فرحتني والله بس قولي البنت بنت مين في البلد بقا اكيد بنت ناس كبرات هنا محمود لا ياما انا هتجوز مني اللي ابوها بيشتغل نفر في الأرض بتاعتنا ها قولتي ايه

عواطف اتعصب وقالت له تعم ياروح امك انت عايز تتجوز بنت الراجل اللي مش لاقي ياكل ده لا انت شكلك دماغك حصل فيها حاجة اااه محمود محلصش في دماغي حاجة يا أمي أنا عايز اتجوز انا بحبها وعايزها وانتي لازم توافقي عليها والا هاروح واتجوزها غصب عنك عواطف بقا تسيب بنت خالتك يا محمود بنت الحسب والنسب وعايز تروح تتجوز واحده شحاتة زي دي دي امه بتشحت عليهم اللقمة من البيوت بقولك ايه يا واد انت انت تسمع كلامي وتحطه حلقة في ودنك البت دي مش هتتجوزها طول ما انا عايشة

وبعدها صمم عبد الله ومصطفى انهم يخلو امهم توافق وعبد الله قال لأمه دلوقتي محمود ابنك مصمم يا أمي انه يتجوز مني وانتي لازم توافقي لانه بيقول لو متجوزهاش هيروح يتجوزها من ورانا عواطف وانت بقا ياحبيبي موافقه على كده يا مصطفى انت واخوك عبد الله يابني اخوكم عايز يحط راسنا في الطين بال؛ كل ده انتو مش عايزين تفهموني ليه عبد الله والله بقا دي حياته وهو حر فيها يا أمي انتي لازم تتصرفي توافقي على اللي هو عايزة ده ماشي عشان ميعملش حاجة من ورانا

عواطف لا يمكن يحصل ابدا ان اخوكم بعمل كده من ورايا يا ولاد انتو بقا هتوافقو على كده ده يبقا اتجنن عبد الله اسمعي يا أمي انتي لازم تيجي معانا نخطبها له ويتجوزها وخلاص عشان خاطر ابنك عواطف عشان ابني اروح احط أيدي في ايد الناس المعفنة دي لا يا مصطفى انت وعبد الله انا عايزة اخوكم يتجوز بنت اختي البت حلوه وهتورث ياما من امها وابوها انما دي وهتورث ايه غير العيا والمرض عبد الله

حرام عليكي يا أمي الكلام ده دي بنت ناس برضو وميحصش تقولي عليها كده عواطف انت تسكت خالص ومتتكلمش انت ناسي انك انت كمان في واحده خدتك بعيد عني وانا ساعتها سكت ووافقت انك تتجوزها عايزني كمان اعمل في اخوكم كده انا عايزة بنت اختي هي اللي تيجي هنا عبد الله وهو انا لما بعدت عنك واتجوزت يا أمي مش رجعت لك تاني اهو وبقيت معاكي وقصاد عنيكي عايزة ايه تاني ياست الكل سيبي ابنك يتجوز اللي هو عايزها

مصطفى انتي لازم توافقي يا ماما مش هينفع كده كل ده نتحايل عليكي وفعلا وافقت ومحمود اتجوز مني ويوم الفرح لما الكل مشي وعواطف قالت لمحروس ابو مني اسمع يا محروس انا وافقت بس ان ابني يتجوز بنتك ده عشان هو فعلا كان عايزها انما انت ومراتك هتفضلو تنطو هنا كل شوية لا انا مش هسمح بكده ردت امها وقالت طيب انا لما احب اطمن على بنتي اعمل ايه يا حجة عواطف

انتي تبقي تيجي مرره في الأسبوع ياختي مش لازم تيجي لها كل يوم وبعدين ياختي ابقى كلميها في التليفون مش لازم تنطي هنا كل دقيقة حكم انا عارفاكم عالم معفنة ومش هتبطلو تنطو لنا هنا عشان تاكلو الام الله يسامحك ياست عواطف واحنا هنط هنا كل شوية ليه بس وبعدين احنا ناس عنينا مليانة ومش محتاجين حاجة من حد ابدا عواطف ده انتو جعانين ياختي هو انتو بيهمكم حاجة ده انتو بتشحت اللقمة من الجيران يلا بقا غورو من هنا مش اطمنتو على بنتكم يلا بالسلامة

وفعلا مشيو ام مني هي وابوها وهما بيعيطو على بنتهم وعواطف طلعت للعروسة وقالت لها اسمعي يابت انتي انتي هنا هتبقي خدامة وبس ليا وللي في البيت كلهم انتي سامعه ولا لا مني اللي تشوفيه ياحماتي انا موافقه عليه أي حاجة تطلبيها مني انا تحت امرك وتحت طوعك هو انا ليا بركة الا انتي ياست الكل عواطف اسمعي انا مباكلش من الكلام ده وانت ياموكوس يلي سبت بنت خالتك القمر ورحت تتجوز دي اللي انا مكنتش موافقه عليها دي لازم تعرفها ان الكلمة هنا كلمتي والشوره شورتي وانها عندي خدامة وبس

محمود يا أمي أنا شايفها اهو وهي مطيعة وعايزة تسمع كلامك يعني مني اصلا مش عايزة الا الخير وبس وانتي لازم تقدري ده عواطف انا مش بقدر ياروح امك اقدر دي المعفنة دي مني طيب هو انا عملت لك ايه بس يا حماتي انا لسه بقولك اهو اللي انتي عايزاه انا هعمله مش كفايه الإهانة اللي اهانتيها لأهلي وسكتو ومشيو زعلانين عواطف. الإهانة دي حاجة بسيطة يا روح امك انا لو عايزة اهينهم بجد انا هعمل ياما واقول كتير بقولك ايه انت قصري معايا يابت انتي

وبعدها نزلت وسبتهم مع بعض بس حطت مني في دماغها وحلفت انها مش هتهنيها ابدا على العيشة وقالت لاختها اسمعي يا كوثر انا عايزاكي تجيبي لي خط محمول جديد انا عايزة اخرب على البت مرات ابني دي ولا م امشي من هنا بفضـ،ـيحة كوثر ليه يا عواطف انتي ناوية على ايه ياختي رسيني على الفوله بس الأول كده وقولي لي ناويه على ايه عواطف ناوية اخليها تتفضح في البلد كلها زي ما قدرت تاخد ابني مني الواطية بنت المعفنين دي واخليها تلف حوالين نفسها اللي خلت ابني يسيب بنت اختنا ويروح يتجوزها

كوثر الصراحة ابنك ده زوقك وحش اوي وكمان هما دول ناس اصلا حد يناسبهم هما لاقين ياكلو بس طيب ياعواطف انتي عايزة الخط ليه ناويه علي ايه عواطف انا هاقولك عايزة الخط ليه وبعدها فعلا كوثر جابت لعواطف خط جديد وبقت تبعت رساله كل شوية لمنى على اساس انها واحد ومعجب ومني تمسح الرساله وفي مره عواطف قالت لمحمود انا مش عارفه يابني هو انت جايب لمراتك المحمول ده ليه يابني انت متعرفش ان النسوان دلوقتي بقت بتستخدمة في العياظ بالله الخيانة وبقو يكلمو رجاله

محمود انتي ايه بس ياماما انا مني مراتي عمرها ما تعمل كده دي محترمة ومتربية كويسة متقوليش عليها كده بس عواطف بتريقة مقولش عليها كده بس لا ياعين امك ده انا اقول واقول البت دي بتكلم رجاله ياحبيبي انا شوفت تليفونها وعليه رساله من واحد ده امبارح كان طالع عندها راجل غريب شوف الموضوع ده يا موكوس انت وبلاش تفضل عايش كده زي الأهبل محمود سمع الكلام من أمه وجري دةزي المجنون على مني وضربها علقه وبعدين اخد منها التليفون لقى فعلا رقم غريب بيتعت لها رسايل وهي نسيت تمسحها وقالت له

والله انا كنت مخليها عشان اعرفك واقولك ان في واحد بيبعت لي بس انا عمري ما رديت عليه والله حتى شوف محمود. اشوف يا بنت الواطية ما انتي بتكلميه وبيجي لك هنا كمان ده هفضحك وسط الناس كلها وفعلا مسك مني من شعرها ومشي بيها وسط البلد والناس بتتفرج عليه لحد لما راح رامها عند بيت ابوها وقال لابوها بنت طالق مني يا راجل يلي معرفتش تربي والبنت اتفضحت في البلد كلها والناس بقت تتكلم عليها كتير وعواطف قالت له

ايوه كده ياقلب امك نصفتني اسمك احنا نروح نخطب لك بنت خالتك محمود علطول كده ياما عواطف ايوه احنا نضرب على الحديد وهو سخن عشان خاطر الناس متفكرش انك معرفتش تجيب حقك اسمع احنا نروح بكرة نخطبها ايه رايك محمود اللي تشوفيه يا أمي اعمليه وفعلا اتجوز محمود بنت خالته #بااااااااااااااك عواطف دي كل الحكاية خليهم يسامحوني قالت كلامها ده ورجعت نامت تاني فاطمة بتعيط وقالت ياساتر بقا هو ده كل اللي حصل يا ام احمد شوفتي الظلم بيعمل ايه

ام احمد حماتك عشان فضحت البنت ربنا فضحها في البلد كلها عشان الناس تعرف ان الظلم اخرتة وحشة ربنا يعافينا يابنتي يلا نكفنا عشان تتدفن وبعدها حكت فاطمة لهم اللي حصل ومحمود قال انا مش مسامحها على الي عملته في الغلبانة وأهلها ام احمد معلش يابني لازم تسامح دي مهما ان كانت امكم برضو ورجعت البيت وفضلت نفسيتي تعبانه ولحد هنا وانتهت الحكاية