المغسله بقلم هويدا زغلول

المتوفية بتتبول على نفسها وهي على ترابيزة الغسل. واللي حصل…. إن ام احمد المغسلة طبعا عارفني كويس انا النهارده جايبة لكم حكاية غريبة جدا وقبل ما احكي لكم الحكاية اعرفكم اللي حصل معايا لما اتعرفت على مغسلة جديدة اسمها فاطمة عندها 32 سنة وكانت عايشة في الفيوم وانا قولت لها ام احمد نورتي يا فاطمة يابنتي بس انتي ازاى اتنقلتي من الفيوم للقاهرة هنا يابنتي فاطمة والله ياست ام احمد انا كنت في الفيوم عايشة فيها واتعرفت على جوزي هناك في الجامعة وحبينا بعض واتجوزنا وجينا على هنا بلد جوزي بس احنا كنا في الفيوم بقالنا سنين كتير اوي

ام احمد طيب بما ان هناك كان شغل جوزك ايه اللي جابكم على هنا في القاهرة وبتقولي ان ولادك كبار فاطمة اصل حماتي قالت له نيجي على هنا وانا حماتي كلمتها سيف علي رقبة ولادها يا ست ام احمد متاخديش في بالك المهم قولي لي هو انتي هنا من زمان في المشرحة دي ام احمد انا بقالي يجي عشرين سنة يابنتي ده عمر تاني والحمد لله على كل حال مبسوطة في شغلنتي فاطمة طيب وفعلا انتي بتتكلمي مع الم*وتى وبتعرفي اسرارهم يا ست ام احمد

ام احمد اومال يا بنتي انا بعرف كل حاجة عن المتوفيه لما أهلها بيغلبو في الغسل بتاعها ومش بيبقو عارفين يتصرفو ازاى بيروحو باعتين ليا فاطمة طيب ولما بتتكلمي معاهم بتعرفي فعلا حكايتهم ايه مش كده برضو ام احمد طبعا يا فاطمة بعرف كل حاجة بس على فكرة انتي بسم الله مشاء الله عليكي يا فاطمة انتي شاطرة اوي في الغسل يا بنتي فاطمة اوه الحمد لله ياست ام احمد انا بحاول ابقي كويسة واقولك على حاجة نفسي اتعلم منك ازاى اتكلم مع الأموات

في الوقت ده ضحكت وقولت لها ام احمد انتي عايزة فعلا تتعلمي ههههه انتي فاكرة ان الموضوع ده سهل يابنتي فاطمة وصعب ليه بس اكيد الموضوع سهل وانتي لو علمتيني ام احمد انتي مصممة بقا يا فاطمة بس دي يابنتي أسرار انتي عارفه يا فاطمة ان مفيش واحده من المتوفيات قامت وحكت لي حاجة الا لما اكون لوحدي فاطمة امممم يعني افهم من كده انك برضو مش عايزة تعلميني يا ام احمد انتي اكيد كده مش عندك ثقة فيا

ام احمد ابدا والله يا فاطمة بالعكس يابنتي ده انتي حتى من اول مادخلتي معانا الشغلانة دي ومتعرفيش انا ارتاحت لك اد ايه بس موضوع الكلام مع الم*وتى ده موضوع صعب عارفه هو عامل زي الهبه كده بتيجي بالعافيه فاطمة انا عارفه طبعا يا ام احمد انا نفسي اعرف أسرار وحكايات عنهم نفسهم ادخل عالمهم نفسي هما كانو ازاى عملو ايه انا كان بيقابلني جرايم كتير اوي بس مكنتش بعرف افك اللغز واعرف هي ماتت ازاى

ام احمد اسمعي يا فاطمة انا مرجحش لكي انك تدخلي في الموضوع ده الحكايات كلها مش هتبقا مريحة بالنسبة لبنوتة لسه زيك فاطمة انتي فاكراني صغيرة يا ام احمد علي فكرة انا عندي 32 سنة يعني كسرت التلاتين بقا وعجزت انتي بس علميني وخلاص ينوبك ثواب فيا ام احمد انا هحاول اعملك بس اسمعي كلها هتبقا بينك وبينهم واوعي تحاولي تفتيش سرهم وبعدها انا رجعت البيت واحمد ابني قالي هو انتي يا أمي كل لما اقولك ماتروحيش الشغل وانتي برضو مش بتسمعي الكلام اعمل فيكي ايه بس ياست الكل

ام احمد انت عارف اني انا يابني بحب شغلي اوي وبحب اكون متواجده فيه يعني لو انت عايز تمنعني انا مش هقدر ياحبيبي فسبني براحتي احمد. على العموم يا حبيبتي انا بس خايف عليكي والله لكن انتي تعملي اللي انتي عايزاه ام احمد الله طيب ما كان من الاول يا حبيبي ولا انت لازم يعني تتعب قلبي كل يوم والتاني كده اسمع يا احمد انا هامو*ت وانا واقفه على رجلي في الشغلانة دي احمد ربنا يبارك في عمرك يا أمي ويحفظك على العموم انا بس مش عايزك تتعبي ولا تشوفي تعب ابدا

ام احمد ويبارك فيك ياحبيبي انا بس مش عايزاك تشغل بالك باللي انا فيه وسبني في شغلي وانت خليك في شغلك ماشي احمد حاضر يعني عايزة كل واحد مننا في شغله حاضر انا هبقي في شغلي وانتي في شغلك ومشي احمد وانا قولت لنفسي والله يابني انا نفسي ابطل الشغل لاني تعبت بس الصراحة عمري ما هقدر اقعد في البيت وابقي انا والحيطان واحد وبعدها بيومين رحت الشغل وفاطمة قالت لي تعالي شوفي متوفيه ولكن محدش عارف ايه اللي حصل لها بيقولو تسريب غاز

ام احمد طيب يلا بينا نبدأ نغسلها عشان نلحق تبعتها المقابر قبل المغرب انتي عارفه يا فاطمة ان الإسعاف مش هتستلم لو المغرب اذن هما مش بيحبو يدفنو بالليل فاطمة طيب واحنا مش هنعرف ايه اللي حصل لها انا عايزة اتكلم معاها ام احمد ههههه انتي شكلك كده بتحبي روح المغامرة يا فاطمة مفيش فايدة فيكي يا بنتي فاطمة ما أنا قولت لك قبل كده يا ام احمد انا عايزة اتعلم منك الشغلانة ولو المتوفيه دي وراها سر يبقا احنا نعرفه انا وانتي

ام احمد بس يابنتي السر اللي بيعرفو اتنين ما يبقا شر صح ههه فاطمة لا لا مش، كده المثل المثل بيقول السر اللي يخرج بين اتنين ميبقاش سر مش السر اللي يبقا بين اتنين تفرق برضو ياست الكل ام احمد برضو مصممة على العموم انتي تيجي معايا جوه بس تقفي ولا كانك سامعه حاجة ابدا خليكي في حالك فاطمة والله ما هتسمعي صوتي ابدا انتي عارفه انا هقف بس مش هتكلم ابدا ابدا ام احمد

ماشي يلا بينا خلينا نعرف هي مالها دي عشان خاطرك انتي يا فاطمة ودخلت انا وفاطمة معايا على المتوفيه اللي كنا بنغسل فيها وانا قولت لها انا يديكي الأمان متقلقيش قولي كل اللي عندك دي واللي معايا دي هتحفظ سرك قامت المتوفيه وحكت لنا حكايتها وفجأة وانهارت وخرجت اوضتة الغسل وهي بتعيط وانا خلصت الجثة وخرجت قولت لها مش قولت لك يا فاطمة بلاش تدخلي وبلاش تعرفي ولا تسمعي حاجة ولا تركزي في الموضوع ده انتي صممتي

فاطمة بتعيط وقالت انا مكنتش اعرف انه فعلا العالم ده مخيف كده انا بجد خوفت يا ام احمد بس عايزة اقولك انتي ربنا مديكي نعمة جميلة ربنا يديمها عليكي يارب ام احمد يا حبيبتي كل واحد فينا ربنا مدى له نعم كتيرة اوي بس هو الإنسان اللي بيعرف يشكر ربنا امتى على النعم دي عشان يزيدة ربنا يزيدة من فضلة فاطمة انا مش هدخل معاكي تاني يا ام احمد انا كفايه عليا اعرف بس اسم المتوفيه ومش مهم عندي اعرف ايه حكايتها

ام احمد تفكتري يا فاطمة الفضول هيمنعك انك تعرفي معتقدش يابنتي طيب ايه رايك لو جات جثة دلوقتي عشان الغسل هتقولي ادخل معاكي يا ام احمد فاطمة لا لا حرمت خلاص ياست الكل انتي ربنا يديكي الصحة والعافية يارب وتفضلي تعرفي لوحدك ام احمد بس انتي اصلا خريجة ايه يا فاطمة وايه اللي حببك في الغسل وخلاكي تدخلي في الطريق ده فاطمة

انا اصلا كنت محفظة قرآن وكنت بحفظ البنات وبدي لهم كمان دروس دين وكنت متخرجة من كلية دراسات إسلامية وكنت ناوية احضر الدوكتراه بس بسبب الحمل والولاده وكده اهملت الحكاية دي بس حاليا بسعي ليها تاني اهو وجوزي مشجعني هو وأهلي انا انما معتقدتش اهله هيوافقو المهم اشتغلت مغسلة للأموات في المنطقة عندنا واهو ده بقا حالي ام احمد ربنا يوفقك يا بنتي وتحققي اللي بتتمنيه ان شاء الله وأهل جوزك هما يبقو في ضهرك

فاطمة معتقدتش يا ام احمد انهم يبقو في ضهري ابدا حماتي ست صعبه جدا ومتتعاشرش ولما انا جيت عندهم لقيتها بتعامل سلايفي اسؤ معامله بس انا بحاول اكون في حالي ام احمد طالما هي معملتش معاكي مشاكل وانتي بعيده عنها يبقا متشتغليش بالك باللي هي بتعمله بتعمله مع سلايفك يا فاطمة . فاطمة انا الحمد لله وجوزي عبد الله يعني هادي جدا وملوش دعوة بحد ابدا وبيحاول يراضيها على اد ما يقدر لانه عارف انه لو معملش كده هيعيش في غم ربنا يهديها

ام احمد إن شاء الله يابنتي يلا انا هدخل اكمل شغلي وانتي خلصي يلا وروحي انتي خلاص كده مهمتك النهاردة خلصت انا الدور والباقي بقا عليا فاطمة انا هفضل معاكي اساعدك في تنضيف الدنيا هنا لأن طبعا زي ما انتي عارفه مفيش حد غيرنا حتى هانم مجاتش النهارده واعتذرت ام احمد ماشي يابنتي يلا بينا نخلص نضافة هنا مكان الغسل على بال ما اهل المتوفيه يجو يستلموها وبعدها خلصنا شغل ورجعت فاطمة لبيتها ولقت بنتها اللي عندها 12 سنة بتعيط وقالت لها

في ايه يامريم مالك يابنتي حد زعلك ولا ايه يا بنتي بتعيطي ليه كده مريم بتعيط وقالت اصل تيتة ياماما اتخانقت معايا جامد وزعقت لي لما رجعت الدرس وفضلت تقولي انتي يابت كنتي فين وازاي تروحي دروس انا هخلي ابوكي يقعدك من الدروس دي فاطمة استغفر الله العظيم طيب يا مريم انا هتكلم معاها متزعليش يا حبيبتي دي اكيد يعني متقصدش حاجة بطلي عياط انتي وانا هبقا اتكلم معاها وسبتها مريم ودخلت اوضتها وفضلت فاطمة مستنية عبد الله جوزها لحد لما يرجع من بره وقالت له

اسمع بقا يا عبد الله خلي مامتك ملهاش دعوة بولادي هي مالها البنت تروح دروس ولا متروحش هي ايه اللي دخلها في حياتنا عبد الله هو ايه اللي حصل يا فاطمة امي عملت ايه فاطمة انا رجعت النهاردة لقيت بنتي بتعيط ولما يسالها مالك تقولي أن جدتها زعقت لها وقالت لها انتي بتروحي دروس ليه يابت انا هخلي ابوكي يقعدك من الدروس عبد الله معلش يا فاطمة انتي عارفه ان امي ست كبيرة واكيد يعني متقصدش حاجة كبري دماغك وعدي الموضوع ده

فاطمة ماشش انا هكبر دماغي بس ياريت تفهم مامتك امها ملهاش دعوة بولادي انا ولادي يتعلمو ويكملون علام ان شاء الله لحد اخر نفس فيا انت عارف الكلام ده يا عبد الله اوعي تقولك خليهم يقعدو من التعليم وتوافق عبد الله لا طبعا الكلام ده مش هيحصل ابدا انا راجل يا فاطمة واقدر أحميكي انتي وعيالك وانا متفق معاكي اننا هنعيش هنا من غير اي مشاكل فاطمة ماشي يا عبد الله ربنا يخليك لينا علي العموم انا هتدخل دلوقتي عشان احضر الغدا

وبعدها عدت الايام والوضع هادي ولكن حمات فاطمة كانت بتحاول تعملها مشاكل كتير وفاطمة كانت بتتجنبها على اد ما تقدر وفي يوم سمعت صويت جاي من شقه حامتها قالت لعبد الله يا ساتر يارب هو في ايه يا عبد الله أنزل شوف في ايه تحت عند مامتك الصوت جاي من تحت ونزل عبد الله بسرعه ودخل شقة امه وعرف انها راحت فضل يعيط ويقول لا حول ولا قوة الا بالله امي راحت يافاطمة راحت فاطمة باستغراب راحت ازاى دي كانت كويسة امبارح ومكنتش فيها حاجة خالص ازاى حصل ده انت متأكد من الكلام ده يا عبد الله

عبد الله