رواية بنت بنوت الحلقة الأولى بعد ان دخل بها وفي تمام الساعة الربعة فجرا وبعد عُرسٍ جميل ما زالت شيماء الفتاه العشرينية الجميلة طبيبة الاسنان في حضن زوجها مدحت المهندس الشاب الثلاثيني الوسيم ويحتضنها بزراعة الايسر .. شيماء .. يااااة من زمان اوي وانا بتمني اللحظة دي يا مدحت .. ان انا وانت نبقي في بيت واحد وابقي في جمبك كده وتضمني لحضنك زي ما انت عامل دلوقتي .. ياااه علي السعادة اللي انا فيها ! متتوصفش .. انا فرحانه اوي يا مدحت وانت كمان فرحان .. صح ؟؟
مدحت لا يجيب شيماء مندهشة .. مدحت مالك انت تعبان ولا ايه ؟! باين عليك عاوز تنام .. عندك حق ما هو طول الليل واحنا في دوشة الفرح وبعدين انت بذلت مجهود جامد اوي من شوية .. اه يا شقي .. ههههه .. بقولك ايه مش جعان ؟! بصراحة انا جعانه اوي مدحت لا يجيب شيماء .. مدحت انت مش بترد عليا ليه ؟! مدحت يسحب زراعة من تحت رأس شيماء وشيماء في قمة الدهشة ثم يمسك بالفون ويقوم بتشغيلة
شيماء .. انت بتشغل الموبيل ليه احنا مش اتفقنا اننا نقفل تليفوناتنا لمدة يومين ؟! مدحت ما زال لا يجيب علي شيماء وينظر اليها في غيظ شديد شيماء .. انت بتبصلي كدا ليه ؟! مالك يا مدحت هو انا زعلتك في حاجة ما احنا كنا مبسوطين من شوية !! مدحت يتصل بوالد شيماء شيماء .. انت بترن علي مين في الوقت ده ؟!! رد عليا يا مدحت
مدحت .. الو .. ايوه يا حسن بقولك ايه بدون كلام كتير وشوشرة وفضايح ملهاش لزوم .. تعالي خد بنتك كده من سكات .. ليه ؟! بنتك طلعت مش بنت بنوت يا راجل يا مقطف .. ايوة مش بنت بنوت وانا مش هاسكت علي فكرة بس لما تيجي .. انا مستنيك مدحت يغلق الخط وشيماء تنظر اليه في دهشة شديدة وربما اصابتها الصدمة بعد سماع تلك الكلمات شيماء .. انت كنت بتكلم مين ؟! حسن ده بابا صح ؟! وريني التليفون ده
ثم تمسك الفون وتراجع سجل المكالمات فتجد انه فعلا تحدث الي والدها شيماء .. ده بابا فعلا !! مين دي اللي مش بنت بنوت ؟!! انت تقصدني انا .. اتكلم يا مدحت مدحت .. ايوا انتي شيماء .. انا .. ازاي ؟! واللي حصل بينا من شوية واللي علي الفرشة ده ما اثبتلكش اذا كنت بنت بنوت ولا لا ؟! انت واعي بتقول ايه ؟! انت ازاي تقول عليا كده وانت عارف ومتأكد اني كنت عذراء من ساعة بس وانك انت الراجل الوحيد اللي لمسني !! انت ليه قولت لبابا كده انطق اتكلم
مدحت يصفعها بالقلم بشدة علي وجهها قائلا مدحت .. اخرصي يا فاجرة وفجأة ……..؟!!! يتبع… رواية بنت بنوت الحلقة الثانية شيماء امام وكيل النيابة منهارة تماما والدموع لا تفارق عيناها وكيل النيابة ويدعي بيتر جميل .. اهدي يا مدام شيماء من فضلك شيماء .. اهدي ازاي وانا جوزي بيتهمني اتهام فظيع زي ده !! بيتر .. هاطلبلك عصير لمون شيماء .. مش عاوزة اشرب حاجة خالص بيتر .. طيب اهدي عشان نعرف نتكلم شيماء .. انا هديت خلاص اتفضل
بيتر يطلب من الكاتب ان يغادر الغرفة بيتر .. من فضلك يا حسام سيبنا لوحدنا شوية وقولهم يبعتوا اتنين لمون هنا حسام .. حاضر يا افندم شيماء متعجبة .. حضرتك طلبت منه ليه يطلع برة ؟! بيتر .. عشان تعرفي تتكلمي براحتك بدون كسوف وبعيد عن اي تحقيق رسمي شيماء .. يعني ايه مش فاهمه ؟! بيتر .. يعني لو فيه حاجة عاوزة تقوليها اعتبريني اخوكي .. اتكلمي براحتك خالص وانا اوعدك اني هساعدك علي اد ما اقدر
شيماء .. حضرتك تقصد ايه بكلامك ده ؟!! انا اللي عندي كله قولتهولك بيتر .. امممممم .. يعني مش عاوزة تصارحيني بحاجة كده ولا كده ؟! شيماء .. حضرتك بتلف وتدور علي ايه بالظبط ؟! كلامك فيه تلميحات انا مش فاهماها بيتر ..مدام شيماء انتي طلبتي ليه عرضك علي الطبيب الشرعي ؟! شيماء .. عشان اثبت برأتي من الاتهام الباطل اللي بيتهمني بيه مدحت جوزي !! بيتر .. اللي هو طبعا انك كنتي عذراء وانه تم فض غشاء البكارة بتاعك ليلة دخلتك علي جوزك المهندس مدحت؟
شيماء .. ايوة طبعا بيتر يتنهد ويصمت قليلا شيماء .. هي ايه الحكاية بالظبط ؟!! بيتر .. اصل تقرير الطب الشرعي وصل انهاردة وبيقول كلام مش لطيف بصراحة شيماء .. بيقول ايه ؟! بيتر .. بيقول ان حضرتك مكنتيش عذراء ولا حاجة ليلة دخلتك علي جوزك المهندس مدحت وان ادعاء عذريتك وفض غشاء البكارة يوم الدخلة ادعاء كاذب شيماء .. انت بتقول ايه ؟! انت اتجننت انت كمان ولا ايه ؟! انا اشرف منك ومنه
بيتر يغضب بسبب الاهانة .. مدام شيماء انا ممكن اوجهلك دلوقتي تهمة اهانة عضو نيابة اثناء مباشرة عملة واحاسبك علي الاهانة دي شيماء منهارة .. انا اسفة معلش .. بس اناااا .. انا مصدومة انااا .. الكلام ده مش مظبوط .. مش مظبوط حضرتك .. والله العظيم الكلام مش مظبوط .. ازاي ابقي !!! .. لا لا .. فيه حاجة غلط صدقني .. انا بنت ناس محترمة والله وعمري ما عملت حاجة غلط بيتر .. مدام شيماء اهدي من فضلك
وفجأة …… ؟؟؟!!! يتبع… رواية بنت بنوت الحلقة الثالثة شيماء اصابها الاكتئاب الشديد واصبحت في عزلة عن الناس حبيسة في غرفتها بمنزل والديها حيث قاطعها الجميع بعد ما اصابهم من فضيحة وخذلان واصبحوا حديث العامة بسبب شيماء الا واحدة لم تتخلي عنها ابدا انها صديقتها ريم التي زارتها في منزلها لتشد من ازرها وتواسيها في محنتها ريم .. يابنتي اطلعي من الحالة دي بقي انتي مش شايفة شكلك بقي شكلة ايه ؟! شيماء .. انا في كابوس فظيع يا ريم !!
